أريد اكشف على مخالفات السيارة تبع مرور السلام ... كيف؟
واريد عمل عقد نقل ملكية السيارة واشهاره فى الشهر العقارى... ولكن صاحب السيارة لدية توكيل بيع وشراء... وهل التوكيل ده له فترة زمنية للصلاحية وكيف اعرفها؟
اين احصل على نموذج العقد وهل ممكن من مكتبة قريبة من الشهر العقارى فى ميدان الجامع م الجديدة؟
ومصاريف التسجيل كام علما بان ثمن البيع 14250 جنية لسيارة 127 موديل 1983 2 سلندر
ولو محامى يشيل الموضوع ده من اوله لأخره يأخذ كام واجراءاته ايه؟ بس اهم حاجة التأكد من ان بيع السيارة مش نصباية

بسم الله الرحمن الرحيم.

اخى العزيز

بالنسبه لمخلفات السياره ممكن ان تعرفها عن طريق الانترنت وممكن تجيلك لحد البيت كمان وتدفع الفلوس لما توصلك وبتوصل فى خلال 48 ساعه واليك الموقع كل ما عليك ان تكتب بينات السياره ثم ارسال https://www.misr.gov.eg/arabic/servi...ction=Citizens

بالنسبه للعقد المسجل(وهو عقد بيع السياره لك لتكون الرخصه باسمك بعد ذلك) اذا كان صاحب السياره معاه توكيل بيع للنفس وللغير ممكن يعمل هذا العقد فى الشهر العقارى.وهذا العقد يباع فى فروع الشهر العقارى(الفرع النت تابع ليه من حيث السكن او فرع سوق السيارات لانه عام لأى سياره اى كان مكنها) ويتم اشهاره فى الحال.(ملحوظه)اذا كانت رخصه العربيه منتهيه لازم تجيب شهاده بيانات من المرور.
وبالنسبه للمصاريف تحدد مصاريف العقد المسجل على حسب موديل السياره وسهت الموتور(سي سي)
وانا اعتقد ان مصاريف العقد فى حالة السياره 127 تكون 500 او 600 جنيه

يارب اكون افادتك

اخوك احمد